മറവിയാണെനിക്കെന്നവൾ
മറവിയാണെനിക്കെന്ന് മകൾ
മറവിയാണെനിക്കെന്ന് തോഴർ
മറവിയാണെനിക്കെന്നമ്മയും
വിളിക്കേണ്ട പേര് മറന്ന്
പറയേണ്ട വാക്ക് മറന്ന്
ചെയ്യേണ്ട പണി മറന്ന്
മറവിക്കാരനായി ഞാൻ
മറവി കൂടിയെന്ന് സഹപ്രവർത്തകൻ
മറക്കരുതെന്നോതി ബോസ്
മറവിയെപ്പറ്റി ക്‌ളാസെടുത്ത് സഹപാഠി
മറവി കൂടിയെന്നൊടുവിൽ ഞാനും
ഇറങ്ങാനുള്ള സ്റ്റേഷൻ മറന്ന്
കയ്യിലുള്ള ബാഗെടുക്കാൻ മറന്ന്
കുടയെടുക്കാൻ മറന്ന് ഫോണെടുക്കാൻ മറന്ന്
ഇടത്തേക്കോ വലത്തേക്കോ ഇറങ്ങേണ്ടതെന്ന് മറന്ന്
ഉറങ്ങാൻ മറന്നുണരാൻ മറന്ന്
വൈകിയുണർന്ന് പത്രം തുറന്നപ്പോൾക്കണ്ട
വാർത്ത പറയുന്നു,
മറവിയിൽ മുംബൈക്ക് ഒന്നാം സ്ഥാനം.
No comments:
Post a Comment